فيه ملاحظه ياجماعه على كثير من رواد المنتدى, بغض النظر وين يكون الموضوع مكتوب وفي أي منتدى.
وانا واثق 100% ان الشي هذا بحسن نيه وبدون أي قصد. لكن لما الواحد يقرا موضوع مميز وجميل وهادف في أي واحد من المنتديات يجي في النهاية ويلقى ( توقيع ) اما بصورة فنان أو وحده شبه عارية أو غيرها.
طبعاً انا أتكلم من وجهة نظري يعني مو لازم الكل يقتنع فيها.
هل هو اعجاب في هذا الفنان أو الفنانة؟
هل هو اعجاب بطريقة السفور وعرض محاسن المرأة؟
هل.....هل......هل....أسئلة كثيرة
لكن الشي اللي انا متأكد منه ان الشخص هذا عليه ذنب لأنه ما يجوز شرعاً لا الإعجاب بالكفار ولا التشبه فيهم.
وبالنسبه للصور كل من حط صورة فيها ما يخالف الشريعة ( وحده شبه عاريه ) عليه ذنب كل من شاف هذي الصورة. لأن الدال على الخير كفاعله والدال على الشر كفاعله.
كم رجل بيشوف صور البنات اللي في هذي التواقيع ويفتن فيها ويشبع نظره منها؟
كم وحده بتحاول تقلد اللي في الصوره هذي بطريقة لبسها وسفورها ؟
وصدقوني انا أوجه الكلام لنفسي أول شي.
لكن اذا ما نبهنا بعضنا ونفعنا بعضنا بنضيع.
يا جماعه احنا في النهايه وين بنروح؟ أكيد لرب العالمين يعني بنحاسب على الأشياء هذي. بنتحاسب على كل منكر سويناه أو حتى شفناه وما غيرناه.
بنتحاسب على عدم تناصحنا.
بنتحاسب على حاجات كثير ممكن اننا نتجنبها بكل سهولة.
وانا ما قلت الكلام هذا وطرحت الموضوع هذا الا لأن كل اللي موجودين اخواني وخواتي. واتمنى اشوف ردودكم وتعليقاتكم على كلامي.
الله يجعلنا ممن يستمعون القول فيتبعون أحسنه. وجمعنا في جناته ولا حرمنا من النظر الى وجهه الكريم....آمين
اقروا بس لا تزعلون !!!!!!!!! 
النمط الأُحادي
