مواقف التـــــــــــــــــــــــــــــــــــــــــــــــ رقيم

®»°·.¸.•°°·.¸.•°™ رعـــــــش قلبي سحــــر عينك ™°·.¸.•°·.¸.•°®»



المشكله إللي يعاني منها الشعب العربي في الترقيم مشكله ولكن كل بلد ولها أسلوبها و من مواقف الترقيم إللي سمعت عنها التاليه

هذا واحد صديقي أيام المدرسه أخينا بالله شاف وحده مصرقعه (مرجوجه) ودها تترقم فالأخ ما ردها وراحلها و حط الرقم في الكيس إللي هي شايلته لكن .... بس طح الرقم في الكيس شاف إيدها سوده !! مع إحترامي الشديد طبعا ,, طالع فيها و هي تضحكله جاقالها هييي إشفييكي تضحكين تراني أمزح و بس راح البيت البنت ماصدقت خبر كلمته و فهمته من هي على بالها الولد في كلمته يمزح جا قالها لو سمحتي تراني واحد متزوج و عندي عيال و مع السلامه توووتوووتوتووووت قفل في وجهها .. الموقف صحيح مضحك لكن هذا مهوب أسلوب حرام يحبط البنت و من الممكن يسببلها عقد

وهذا واحد الله يستر عليه الأخ وسيم و أي بنت تتمنى تخاويه راح في أحد الأماكن بسيارته إللي سعرها فوق ال200 ألف ريال ووقف جنب بنات قاعدين يمشو و رز معرضه إلا و البنات فاقعين ضحك عليه قولو لييييه ؟؟؟ الأخ حط المعروض بالمقلوب .. الحمدلله و الشكر

وواحد ثاني كان معي بالمدرسه وهو خااااااااااام تعرف على وحده عن طريق النت و تطورت العلاقه لتليفون و حركات المهم قالتله مره إذا ودك تقابلني في المكان الفلاني و الساعه الفلانيه بشرط قالها إشرطي و أمرك على عيني و راسي قالتله أبيك تجيني حالق الشنب لأني أقرف منه و أخينا ماصدق على أقرب حلااااق و المهم راح للديت لكن طلع وهمي ... خفت فيه ياحرااام

و على طاري البنات المصايب سمعت عن وحده في المدينه المنوره تخش بالكلام عادي و تطلب ديت لكن بدل ماتجي ترسل الهيئه !!! لاحول ولا قوة إلا بالله

في عندنا شباب في الجامعه زهقانين ودهم بأكشن جو إيش سوو الأول لبس عبايه و الثاني سوى نفسه هندي و عاد راحو الخبر يعذبو الشباب لاااا و إللي من جد يضحك إنهم إتفقو مع واحد ثالث إنه يصور بكميرة فيديو وياااااعيني على المواكب إللي صارت الشباب يلاحقونهم مايدرو إنهم مغفلين

وهذا واحد راح السوق و شافله بنوته حليييو ماخلاها في حالها غازلها و لكن أخوها طلع معاها و ياريته بس أخو أوووووف مصارع طول بعرض وكل عضله تقول أنا فالأخ أكل طق غير طبيعي و الشغله وصلت للشرطه و بس جاأبوه ياريته طقه لأ قاله أحسن تستاهل أكثر من كذا ياكلب إحراااااج والله إحراج .... وكل ما يسأله أحد إيش صار لعينك (أصلها أنتفخت من بكس بحبه قلبكم ) يقول لالا هذا واحد شاتها و أنا ألعب كوره

مره و أنا ماشي في الراشد كانت ماشيه وحده قدامي الأخت أخلاقها في خشمها .. المشكله إني أبي أعدي و هي محجره علي و هي ماتدري المهم جا واحد جداوي و حشر نفسه و عداها من اليمين المهم طبعا البنت شكت في نفسها و طالعت فيه بنظرة حقد لئيمه و قالت وجع !!! ما كملت كلمتها إلا وهو راد عليها وجع في قلبك ياكلبه !!! أنا صراحه مامسكت نفسي من الضحك

ومره و أنا داخل الراشد زفت وقفت سيارتي بالمواقف و بس قربت من سياره أكسنت إلا والباب ينفتح و يطلع منه راس وحده محموقه و الأمبير ضارب عندها الظاهر هذا من فيوزاتها تشربكت مع بعض المهم سبتني تقولي ياأبن ال....... المهم قلتلها و الله ما عليكي زود بس ودي أعرف إيش سويت ؟؟ طالعت قدام و أكتشفت إن مو أنا إللي فتح عليها الباب واحد قدامي قالتلي و كلها ندم أنا آسفه طالعتها بنص عين و قلت على العموم على زق .... لسانها أطول منها

و أخس موقف صار لواحد صديقي في الراشد زفت .... كل إللي صار إنه راح لوحده بإحترام و قالها ممكن تاخذين الرقم ؟؟ و الغجريه إيش سوت ؟؟؟؟ صرخت بأعلى صوت خلت الناس في الدور إللي هم فيه ( الأول) و الثاني و الثالث يطالعو .. خويي تشنج فتره وركض بكل ماأعطاه الله من قوه لبره المجمع ... و إلى الآن ماأتذكر إنه رقم مره ثانيه

و في النهايه عرفتو ليش أنا ما أداني الراشد ؟؟!! و أنصح الشباب بترك هذي العاده المذله للواحد و متى يجي اليوم إللي ترتاح البنت فيه ,,؟؟... صحيح في بنات يستانسون إنهم يترقمو لكن مو كلهم و إن شاء الله ما أكون زعلت أحد



رعـــــــــــــــــــشقلبــــــــــــــــي