يا شُوق هذا الحال أعلـن
انـك لهـذا القلـب خِلـه
يَرْجِي وصالك دُومَه إيْوِن
وينوح مَحـدٍ مِنتبـه لـه
سَطَّر على القِرطاس دوّن
بأقصى الخوافي عُوق عِله
حتى ورود اليوف يِبْسَـن
تِخْتال ماضـي مـا تِمِلـه
بأقصى شمال الصدر تَسْكِن
مِتفـردٍ بـه ومِسْتِحِـلِـه
ولك في نظير العين مَوطِن
ما غيرك أحدٍ قد وصل له
شِفتْ البِلابل كيف يَشْـدِن
بأنغامهن في وسـط ظِلـه
قلبي مِثلهن لـك يِبَرهِـن
في الطوع ماشي دون زله
مِحتاي أشرح لك وأضمن
انك لقولـي مِستِمِـع لـه
بحمس لك الأشواق بالبِن
وأزِلِهِن لـك وُسـط دلـه
وإشرب كِثر ما شيت مِنهن
واللي بقى للوقـت شِلـه
يمكن تِحس بيوم وتِحـن
ونِهْنا بعـد كِثـر التُّولّـه