السلام عليكم

طبعا هذي أختي راسلتلي إياه على الإيميل قالتلي في أحد رد عليه فأريد منكم الحل

وهذي القصة

انا متزوجه من سنه ونص وعندي ولد والحمد لله
بس المشكله ان زوجي حريص على الفلوس حيل ومايعطيني شي يبغاني اصرف على نفسي مع اني ما ني موظفه انا طالبه بالجامعه ومليت من هالحاله
حتى ان اقربائي يقولون ليش (( تغيرتي كنتي تلبسين احلى لبس بس بعد ماتزوجتي صرتي عاديه ))
ودائما اتناقش انا وهو بس لازم هو يعصب ويزعل ويكبر السالفه حتى لوطلبت 100 ريال كاني طالبه 1000 ريال

والمصيبه الكبرى
اني من شهر وانا عند اهلي ولاعطاني ولا ريال يقول اصرفي لك ولولدك من مكافئتك وماكان معي غير500ريال والحين خلصت
وقبل كم يوم ارسلت له رساله قلتله ابي فلوس لاني قررت اغير لون شعري واللون اللي ابغاه يكلف 600 ريال وطلبت منه 200 مصروف باقي الايام اللي ابجلسها عند اهلي
تصدقون وش سوى





طنشني ولا ردلي له تقريبا3 ايام وانا ما اتصلت ولا ارسلت شي


وقاهرني بتطنيشه
واهلي هم يصرفون علي وانا محتاره وش اسوي




افيدوني الله يجزاكم الجنه

واللي بترد تحط نفسها مكاني وتقول وش بتسوي

انا قربت انجن