احيانا نصل الى مرحلة نكون فيهــا غير قادرين على مواصلة تصنع المزيد من الحلم والصبــر
فنخرج عن الصمت وتنكشف الامور في لمح البصر بعد ما كانت تأن وتحن في داخلنــا من هول الجروح ..


مدمت بحاجتي اخضع لقولي وألزم الكلمات
وطبقها مثل ما هي بدون ما تبين أحزانك

أنا يومي سكت سنين صبرت وزادت الونات
ولا يمكن أعديها مثل ما كنت ولهانك

سنينك غيرت فيني حسن ظني مع الهقوات
وصارت كلها أيامي شكوك بك على شانك

تخيل كم وقف صبري على باب القهر بسكات
تخيل كيف أداريها دموعي والعن أزمانك

تخيل لو تبي تفهم .. تخيل هادم اللذات
تخيل كيف يقبضها النفوس وينهي سلطانك

تخيل لو أنا جيتك وأنا كلي عشر حسرات
الم بعدك قهر صدك نقض عهدك وعصيانك

كثر همي ووجع قلبي وعبره بعدها عبرات
على جرحك وتلويعك ولعبك بين خلانك

تخيل وقتها أني خذتني العزة واللامات
تأكد وقتها بأرحل وابد ما يكفي نسيانك

:::::::::::::::::::::

اتمنى ان تحوز على رضاكم واستحسانكـــــم