يمه مريولي توسخ

يمه مريولي توسخ ((خاطره محزنه ))
هذه خاطره .. ابكتني بعدما قرأتها .. لطفله ماتت أمها ..


اتمنى انكم تقرؤنها ماراح تندمون ..





يمـــــــــــــــــه ..
تكفين اسمعيني ..
يمه بسألك شي ..
جاوبيني ..
هو صحيح اللي مات
داخل القبر يصير حي ...



يمه أسمع أنا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي ...!!




يمه تعالي ارجعي ..
والله خلاص بسمع كلامك ...
ما أخرب العابي ...
وان قلتي يالله ...
روحي نامي ...
اروح حتى ما تزعلي ..





يمه تكفين ارجعي ..
اليوم حطت لي المديره ..
نجمه فوق جبهتي ...
يمه سمعتها تقول ..
مسكينه البنت صارت يتيمه ...
قالت لها ابله منيره ..
مسكينه توها صغيره ..
وش كانوا يقصدون ...؟
يمكن عشاني صرت عاقله ...
ولا عشاني دايم اسرح





يمه مريولي توسخ ..
ما كان قصدي اوسخه ...
بس تذكرت انك تقولي ...
بعدة شهرين ..
بشتري لك لبس ثاني ..
يمه تعالي اشتري ...




يمه عرفتي مها ...؟
صديقتي اللي معي ...ز
زاعلتني ....
تقول ما صرت انما اضحكها
راحت تدور غيري
عشان تلقى احد يونسها



يمه
يالله خلاص لا تمزحي
يالله قومي
تعالي معي للبيت ارجعي





يمه يممممممممممه
نسيت شي ..
بقولك ترى بيتنا صار فاضي ...
ما حد يجينا ...
وكل اللي فيه انا واخواني ...
ليه وين اقاربنا ...؟
وين خالتي .......
اللي كانت تجينا ....





يمممممممه قوممي يالله تعالي ...
تكفين يالله تعالي ...
ماودي ارجع لحالي
والله خايفه ..
ترى امس جيتك ...
ما دريتي ....
حسبتك نايمه ....



او اقولك ...
خلاص خلاص ....
انا بجيك بكرى .....
اذا راحوا من هنا الناس ....
تكفين يمه بكرى اصحي .....
تكفين يمه بكرى ارجعي .......