قصه مضحكه...

‏ ‏ السلام عليكم ورحمه الله وبركاته...
البنت دائما تفكر بفارس أحلامها
يجيها بطريق الصدفه..أو بعد موقف
مثلا: وهي بالبحر وتغرق ويجي هو ينقذها
أو وهي تمشي بالشارع يجي يصدمها
‏ ‏ المهم
في يوم من الأيام كان الناس بشهر
رمضان..طلبت منها أمها تاخذ صحن
‏(اللقيمات) للجيران وكان الفصل شتاء
والجو غائم وممطر
فلبست البنت فروه أبوها وشراب
شتوي لونين كحلي والفرده الثانيه
بني وشال أمها
المهم أنواع العفسه
وطلعت بالصحن..وإلاسياره جايه
طايره لأن بيأذن المغرب وتصدمها
ويطير صحن اللقيمات ونزل صاحب
السياره والاشاب وسيم وطويل
لقاها منكسره رجلها وخاف عليها
أما هي ماحست بشي
بس تطالع فيه وتبتسم في وجهه
لأن حلمها تحقق
وجاء فارس أحلامها زي ماتبي
‏ ‏ المهم
أتصل الشاب الوسيم بأخوها
ووداها المستشفى يجبسو رجلها
ومضى رمضان
والبنت تنتظر الفارس ليطرق الباب
طالبا يدها..وأتى العيد
وبعد أيام...رن التلفون..وردأخوها وقال
وعليكم السلام ورحمه الله وبركاته
إي نعم حياك الله..بخير..ولله الحمد
وطار قلب البنت لما شافته مبتسم
وسمعته يقول رجلها في تحسن
ولله الحمد..
جزاك الله خير..مع السلامه
وبعدها مات أخوها من الضحك
سألته الأم: من المتصل؟
وليه الضحك؟
البنت تنتظر الجواب على أحرمن الجمر
قال:هذا اللي صادم أختي وكان يسأل
‏!‏! عسى خدامتكم طابت من الصدمه !!