لو نكتب الشوق ماتكفي دفاترنا

لو نكتب الشوق ما تكفي دفاترنا
يفنى الورق والقلم يكتب لنا وصاته

ولو نكتم الشوق يطلع في مدامعنا
الشوق واضح على المشتاق نضراته

دقات قلبي تقول الشوق تعبنا
ياليت تسمع حبيبي صوت دقاته

ابيك تعرف غيابك كيف خسرنا
من شان تعطي حبيبك كل ما فاته

تعال بدري ترى بعدك يولعنا
عجل حبيبي وهات الحب وآهآته

سمع حبيبك جديد الشعر واطربنا
ياتاج شعري وملح الشعر وابياته

وكسر بيوتك على كيفك ومتعنا
يافرحة الشعر في كسرك ووقفاته

يادمعة العشق في محجر نواضرنا
يالليل فيه القمر ما اقرب مسافاته

أعشقك ياجعل ربي ما يفرقنا
أعشقك واحلف برب البيت وآياته

هذا حبيبي بعض خافي مشاعرنا
واكثر شعوري غريبه حيل كلماته

لو نرسم العشق يرجع ثم يرسمنا
ويكتب حبيب وحبيبه بين صفحاته


منقول