(( موت ياقلبي وانا لجلك حداد .. و الحشى قبرك و دمّي سلسبيله ((

السلام عليكم ورحمه الله وبركاته ..


ساعات .. الوداع أرحم ..


ساعات .. المفارق دين ..



لكن ..


تودّع فيه قلبك ..



كيف .. .. ليه .. .. شلون .. .. وين ..



اترككم معا البقيه ............








المحااني المحااني يا فـــواد
تنحني صوبك و مالي فيك حيله


ينكسر ضلعي على ذاك المداد
والصّبر يبكي دروب/ن مستحيله


موت يا قلبي و انا لجلك حداد
والحشا قبرك و دمّي سلسبيله


موت يا قلبي مدامك في حياد
ليـه تبكي دام دمْـعاتك قتيله


موتك أرْحم من زمان الاضطّهاد
من زمان/ن عيّت جروحي تشيله



موتك ابيدّي ولا يدّ الْـعبااااد
مبدأ الغايه تبـرّرْه الوسيله


ليـه عايش دامهم عنّك بعاد
وانت تدري غربتك هي ْالحصيله


ما بغيت أدْفن طموحك يا فـــواد
هذي الدنيا على دفـنك كفيله


ميّت بْـ صدْري ولا مرمي فـ واد
عزّتك يا روح ولـ انْفاس/ن ذليله


سامح الله قلب ما يعرف سواد
سامح الله من تسبْب في رحيله