فمـان الله سافـر للنصيـب وديـرة المقسـوم فمـان الله سافـر للحنيـن وحلـل أشـواقـي فمان دموع عيني والغـرام وحبـك المرسـوم مثل نقش الحجر في وسط قلبي له أثـر باقـي فمان الله فاتت شرهـة الخافـق ووقـت اللـوم لك الله ما بقت غير الدمـوع تباغـت أحداقـي ولا باقي سوى جسم(ن) نحيل وناظر(ن) محروم يراقب شمس(ن) أقفت من سماي وشالت اشفاقي زمن عدى على ذاك الفراق اللـي تقـول اليـوم وأنا أرشف من يمين الجرح نزفي وأشكر الساقي نبت للحلم ريش وقلت أهده في سمـاك يحـوم ولكن خانت فجـوج الوسـاع وضاقـت آفاقـي رحلت وكل حرف ما لبس من هالكـلام هـدوم تذكر يـوم أصافـح غيبتـك وأمـد خفاقـي ؟ أنا للحين مدري هـو أنـا الظالـم أو المظلـوم أنا مدري وإذا تـدري تعـال وفتـش أعماقـي أعرف إني سقيت الليل دمع ولاظهر بـه نـوم عقب ما مرني فصل السهـاد وحتـت أوراقـي فراق مر في حدب المحانـي تقـل خِيـذة قـوم ضحى مني نهبك بغفلتـي واستسهـل وثاقـي يقولون العـرب أن الأوادم مـا عليهـا وسـوم وأنا لو أدري أنك من نصيبي ما أنكسر ساقـي يمر الشعر في درب الجديـد ولا يجيـب علـوم بقى عندي كـلام مـن رحلـت يـدور اعتاقـي فمـان الله وجـه للغيـاب وخلنـي مـوهـوم ابعصـر الحنيـن بغيبتـك وأعتـق اشـواقـي
النمط الأُحادي
