الأخبار العالمية

فلاش
الجمعه 30 ذي القعدة 1429هـ - 28 نوفمبر 2008م - العدد 14767



والله يالربع إني إنبسطت على جهود رجال الجمارك اللي ما يمر يوم إلا وهم ماسكين كميات من الخمور مرة بالحديثة ومرة بسلوى ومرة على جسر الملك فهد ومرة في جمارك البطحاء.. وزيادة على هذا ضبطياتهم لكميات المخدرات هم والنشامى حقين مكافحة المخدرات وحرس الحدود وخصوصاً اللي في المنافذ اللي على حدود اليمن..

وعلى هذي الجهود والله كلهم يستاهلون الشكر.. وهذا التكاتف بعينه.. لكن اللي ودي أقوله الكميات هذي ما هي بسيطة ولا يجيبها واحد ولا اثنين ولا ثلاثة.. أكيد وراها عصابات ومنظمات.. حنا مستهدفين بلدنا وعيالنا.. أهم ما عندنا.. نبي نتعاون مع بعض..حتى ما نخلي هالعصابات تاخذ راحتها.. خلونا نحمي عيالنا ونحصنهم ونعلمهم خطورة المخدرات في المدارس.. في البيوت.. في كل مكان.. والحامي الله.. وياالله سترك.

الأبرق

المصدر : http://www.alriyadh.com/article391137.html